Annou pran on ti moman pou nou gadé bèlté a lang kréyòl. An ka pwopozé zòt #TwaMo ki bazé asi liméwo.

1. Èmsèz

Sé pou on fanm (poukwa nonm pa adan, an pa sav) ki ka rakonté biten a moun.

#TwaMo èmsèz

2. Ventéen-douvan

Moun ki toujou pi présé ki pon moun.

#TwaMo ventéen douvan

3. Èndèstwas / Indèstwas

Ki vé di rapidman, vitman présé. Sé osi non a on gwoup a Gwoka (Indèstwas Ka) ki ka kenbyé éritaj a léwòz a Kristèn Aigle (léwòz Indèstwas).

#TwaMo indèstwas